អ្នកកាសែត Fabrizio Romano បានចុះផ្សាយថា ក្លិប Paris Saint-Germain បានស្នើលក់ខ្សែប្រយុទ្ធ Mauro Icardi ទៅឲ្យក្លិប Manchester United និង Newcastle នៅរដូវក្ដៅនេះ។
កីឡាករសញ្ជាតិអាហ្សង់ទីនរូបនេះពុំបានជាប់ជម្រើស១១នាក់ដំបូងទៀងទាត់ក្នុងក្រុមនោះឡើយ ខណៈ PSG ទំនងជាចង់ចែកផ្លូវជាមួយគេហើយ។
យ៉ាងណាមិញ មិនមែនត្រឹមតែ Man UTD និង Newcastle ទេគឺ PSG ព្យាយាមលក់កីឡាកររូបនេះទៅឲ្យ Arsenal កាលពីដើមរដូវក្ដៅនេះផងដែរតែភាគីលោក Mikel Arteta ទិញយក Gabriel Jesus ពី Manchester City វិញ។
ឥលូវនេះស្រាប់តែអ្នកកាសែត Fabrizio Romano បានសរសេរថា៖ ខ្ញុំធ្លាប់បានសរសេរពី Mauro Icardi ត្រូវក្លិប PSG ស្នើឲ្យ Manchester United និង Arsenal ទិញយកកាលពីដើមរដូវក្ដៅនេះ ទោះបីគេចង់ចុះកុងត្រាយក Gabriel Jesus ក៏ដោយ។ ខ្ញុំអាចបង្ហើបថាឥលូវនេះ កីឡាករសញ្ជាតិអាហ្សង់ទីនរូបនេះត្រូវស្នើឲ្យក្លិប Newcastle ទិញយកផងដែរ។ ស្ថានភាពរបស់ Icardi ពិតជាពិបាកណាស់។ PSG ចង់ស្វែងរកដំណោះស្រាយនាពេលឆាប់ៗប៉ុន្តែកីឡាករមិនចង់ទទួលយកការផ្ទេរទៅគោលដៅក្លិបដែលគេមិនចង់ទៅនោះឡើយ។ គេត្រូវក្លិបស្នើឲ្យ Man UTD និង Newcastle ទិញយកតែក្លិបមិនបានដាក់សំណើណាមួយសម្រាប់ Icardi ទេ ហើយក្នុងនោះក៏មានក្លិប Galatasaray ដែលបានទាក់ទងភ្នាក់ងាររបស់គេផងដែរ។
ព័ត៌មានកីឡាបាល់ទាត់ថ្មីៗ
